किन डराउँला र म त्यो दिल्लीको बिरालोसँग,, बाघैलाई त पछारूला यार के को टेन्सन ।।

गजल

काशिराम बजगाई लम्की,कैलाली

 कि मरूला कि मारूला यार के को टेन्सन

नजिते पछि हारूला यार के को टेन्सन ।।

 उनी खुकुरी पलाउँदैछिन् रे पलाउँन देऊ

 म कलम तिखारूला यार के को टेन्सन ।।

 किन डराउँला र म त्यो दिल्लीको बिरालोसँग

 बाघैलाई त पछारूला यार के को टेन्सन ।।

 तिमी आँखा चिम्लेर ढुक्क भएर हिड यो सडकमा

 सबका पाइला पछि सारुला यार के को टेन्सन ।।

 म तिम्रो फूल झै तश्बिर त्यो जूनमा सजाउँनेछु

 अरे नभए जूनै झारूला यार के को टेन्सन ।।