कस्तुरीको बिना सहित प्रहरीले दुईजनालाई नियन्त्रणमा लियो ।।

दार्चुलाको गुल्जर गाविसबाट कस्तुरीको बीन सहित प्रहरीले दुईजनालाई पक्राउ गरेको छ । दार्चुलाको गुल्जर गाविस वडा नम्बर ९ बस्ने अइते भनिने अमरसिह ठगुन्नाको घरबाट दुईवटा कस्तुरीको बीना सहित अमरसिह ठगुन्ना र उत्तरसिह कोट्टारीलाई प्रहरीले नियन्त्रणमा लिएको हो । 

शेरी गाविस वडा नम्बर ८ बस्ते उत्तरसिह कोट्टारीले उक्त कस्तुरीको बिना ठगुन्नालाई विक्री गरेको खुलेपछि प्रहरीले दुबैलाई नियन्त्रणमा लिएको हो । आईतबार इलाका प्रहरी कार्यालय लटिनाथबाट गएको प्रहरीको टोलीले उनीहरुलाई प्रक्राउ गरी इलाका प्रहरी कार्यालय लटिनाथमा राखेको छ । सोमबार उनीहरुलाई जिल्ला प्रहरीकार्यालय दार्चुलामा ल्याएर सार्वजनिक गरिने जिल्ला प्रहरी प्रमुख डिएसपी शुसिलसिह राठौरले जानकारी दिनुभयो ।